मकवानपुरे गायक लामाको म्युजिक भिडियो ‘तिमीसंग माया’

हेटौंडा– मकवानपुरे गायक धिरेन लामाको ‘तिमीसंग माया’ बोलको म्यूजिक भिडियो सार्वजनिक भएको छ । बिहीबार बागमती प्रदेश स्वास्थ्यमन्त्री निमा लामाले एक कार्यक्रमकाबीच म्यूजिक भिडियो सार्वजनिक गरेका हुन् ।

गीतको शब्द लामा आफैँले रचना गरेका हुन् भने उनैले संगित र स्वर भरेका हुन् । म्यूजिक भिडियोमा भने कलाकार पुष्प खड्का र स्मारिका ढकालले अभिनय गरेका छन् । म्यूजिक भिडियोलाई निकेश खड्काले निर्देशन गरेका हुन् । झण्डै एक दशकदेखि गीत संगितको क्षेत्रमा सक्रिय रहेका लामाले यसअघि पनि दर्जनौँ गीतहरुमा स्वर भरेका छन् । प्रेम कहानी, लेकाली कान्छी, विरानो संसारमालगायत गीतमा उनको स्वर रहेको छ ।