धनुषाको शहिदनगर नगरपालिका–७ नेमुवाटोल बस्ने ५० वर्षीया रेखा देवी ठाकुरको हत्या गरेको आरोपमा प्रहरीले आइतबार दुई जनालाई पक्राउ गरेको छ ।
रेखाको हत्या गरेको अभियोगमा प्रहरीले उनकै श्रीमान् ५५ वर्षीय सुदिप ठाकुर र सुदिपकै दाई ६० वर्षीय उदित ठाकुरलाई पक्राउ गरेको जनाएको छ ।
उनीहरुलाई इलाका प्रहरी कार्यालय यदुकुहाबाट खटिएको प्रहरीले पक्राउ गरेको हो ।
प्रहरीका अनुसार, गत कात्तिक १० गते सुदिपले रेखालाई रिस आवेगमा बन्चरो प्रहार गरी हत्या गरी आफ्नै घरमा खाल्डो खनी गाडेका थिए । उनले उदित समेतलाई बोलाई कात्तिक ३० गते राति शव निकालेर टुक्रा बनाई स्थानीय कट्टी नदी किनारको झाडीमा फालेको प्रहरीको अनुसन्धानबाट थाहा भएको छ ।
पक्राउ परेका उनीहरुमाथि प्रहरीले आवश्यक अनुसन्धान गरिरहेको छ ।
केही प्रतिक्रिया छ कि ?
यो समाचार पढेर कस्तो महसुस भयो ?
+1
+1
+1
+1
+1
