आसन्न उपनिर्वाचनका लागि करिब १ हजार सात सय कर्मचारी खटाइने भएको छ ।
निर्वाचन आयोगले यही वैशाख १५ गते इलाम र बझाङमा हुन लागेको उपनिर्वाचनमा उक्त संख्यामा कर्मचारी परिचालन गर्न लागेको जनाएको छ ।
आयोगले इलाममा एक हजार ४३ र बझाङमा ६५१ गरी कुल एक हजार ६९४ जनशक्ति परिचालन गरिने जानकारी गराएको हो ।
आयोगले त्यसको लागि निर्वाचन अधिकृतको कार्यालयहरूलाई निर्देशन दिइसकेको छ ।
आयोगका अनुसार, प्रत्येक मतदान केन्द्रमा सात जना कर्मचारी रहने गरी कर्मचारीको प्रबन्ध मिलाइनेछ ।
उपनिर्वाचनमा इलाम–२ मा १४९ मतदान केन्द्र तोकिएका छन् भने बझाङमा ९३ वटा मतदान केन्द्र तोकिएका छन् ।
प्रत्येक केन्द्रमा एक–एक जना मतदान अधिकृत र सहायक मतदान अधिकृत तथा पाँच जना सहयोगी कर्मचारी रहने जनाइएको छ ।
केही प्रतिक्रिया छ कि ?
यो समाचार पढेर कस्तो महसुस भयो ?
+1
+1
+1
+1
+1
