हेटौंडा–जीवन बिमाको महत्वबारे जानकारीका साथै व्यक्तित्व विकास तथा बोल्ने कलाको सीप सिकाउने उद्देश्यले नेशनल लाइफ इन्स्योरेन्स कम्पनीले हेटौंडामा अभिकर्ता मेलाको आयोजना गर्ने भएको छ ।

भोलि भदौ ७ गतेदेखि एक हप्तासम्म अभिकर्ता मेलाको आयोजना गर्न लागिएको र यस मेलामा बिमाको बारेमा जान्न चाहने जोकोहीले सहभागिता जनाउन सक्ने कम्पनीले जनाएको छ । हेटौंडाको पारिजातपथमा रहेको आफ्नै कार्यालयमा आयोजना गरिने अभिकर्ता मेलामा दैनिक ४० जनालाई सहभागी गराई ३ घण्टासम्म तोकिएको विषयमा ज्ञान प्रदान गर्ने नेशनल लाइफ इन्स्योरेन्स हेटौंडाकी शाखा प्रबन्धक शर्मिला बलामीले जानकारी दिइन् ।

सात दिनसम्म चल्ने मेलामा एक व्यक्ति एक दिन सहभागी हुन पाउनेछन् । मेलामा दैनिक ४० जनाका दरले दुइ सय ८० जनालाई सहभागी गराउने लक्ष्य रहेको शाखा प्रमुख बलामीले बताइन् ।

एसएलसीभन्दा माथिका शैक्षिक योग्यता भएका जोकोहीले मेलामा सहभागी भएर आवश्यक ज्ञान लिन सक्नेछन् । उनीहरुलाई प्रमाणपत्रका साथ खाजा खर्चको व्यवस्थासमेत कम्पनीले गरेको छ । मेलामा सहभागी भएपश्चात अभिकर्ता बन्न इच्छुकहरुलाई थप तालिमको व्यवस्था गर्ने पनि शाखा प्रबन्धक बलामीले बताइन् ।

LEAVE A REPLY

Please enter your comment!
Please enter your name here