हेटौंडा– कोरोनाविरुद्धको थप २३ लाख ४० हजार मात्रा मोडर्ना खोप आएको छ । अब २१ लाख डोज एस्ट्राजेनिका र ४० लाख सिनोभ्याक्स गरी ६१ लाख थप खोप आउने क्रममा छ ।
स्वास्थ्य सेवा विभाग, आपूर्ति शाखा प्रमुख डा. सुरेन्द्र चौरसियाले विश्व बैङ्कको सहुलियतपूर्ण ऋण सहयोगमा कोभ्याक्समार्फत थप २३ लाख ४० हजार मोडर्ना खोप आएको जानकारी दिए । डा. चौरसियाले सोमबार ११ लाख ७० हजार र मङ्गलबार ११ लाख ७० हजार गरेर २३ लाख ४० हजार मात्रा मोडर्ना खोप नेपाल भित्रिएको बताए ।
यो खोप १२ वर्षदेखि १८ वर्षसम्मका बालबालिकालाई लगाइने छ । डा. चौरसियाले ४० लाख मोडर्ना खोप देशैभर वितरण गरिने बताए । यो खोप पनि सोही उमेर समूहका खोप लाउन बाँकी बालबालिकालाई लगाइने छ ।
यसअघि फाइजर खोप पनि १२ देखि १७ वर्ष उमेर समूहका बालबालिकालाई दिइएको थियो । यसैबीच अब २१ लाख मात्रा एस्ट्राजेनिका र ४० लाख मात्रा सिनोभ्याक्स खोप आउने क्रममा छ । डा। चौरसियाले खोप आउने मिति भने निश्चित भइनसकेको बताए । गोरखापत्र दैनिकमा सरोज ढुंगेलले खबर लेखेका छन् ।
हेटौंडा–२ मकवानपुर, सम्पर्कः ९८५५०७१२२४, ९८१६२६०१५० इमेल : pradeshsanchar3@gmail.com, news@pradeshsanchar.com
© 2024 Copyright Samriddhi Communication pvt Ltd | All rights reserved. Desigined By: Keshav samarpan
© 2024 Copyright Samriddhi Communication pvt Ltd | All rights reserved.
Desigined By: Keshav samarpan