बागमतीबाट २१७ किबि सालको चिरान काठ बरामद

हेटौंडा – मकवानपुर प्रहरीले २१७ किबि अवैध सालको चिरान काठ बरामद गरेको छ। गएराती बागमती गाउँपालिका–२भुर्कुस टोलबाट टिपरमा लोड गरिरहेको अवस्थामा अवैध सालको चिरान काठ बरामद गरेको हो ।

जिल्ला प्रहरी कार्यालय मकवानपुरका अनुसार, गएराति भुर्कुस टोलबाट बा.५ ख ५४०० नम्बरको टिपरमा लोड गर्दै गरेको अवस्थामा १८७ पिस २१७.४२ क्यूफिट चिरान सालको काठ बरामद गरेको हो ।

उक्त काठसहित ट्रिपर र ट्रिपर चालक जिल्ला मकवानपुरगढी गाउँपालिका २ बस्ने २५ वर्षीय आईतसिङ मोक्तानलाई प्रहरीले नियन्त्रणमा लिएको छ।

मकवानपुरको बागमती गाउँपालिका २ भुर्कुस टोल स्थित प्रहरी चौकी शिवराइगाँउबाट खटिएको गस्ती टोलिले नियन्त्रणमा लिएको हो।
आवश्यक अनुसन्धान तथा कारवाहिको लागि डिभिजन वन कार्यालय मकवानपुरलाई बुझाएको जानकारी दिइएको छ।