कृषि उत्पादन तथा संस्कृति प्रर्वद्धन मेला हुँदै

हेटौंडा – हेटौंडा- ७ नागस्वतीमा स्थानीय कृषि उत्पादन तथा संस्कृति प्रर्वद्धन मेला हुने भएको छ । नागस्वती युथ क्लबको आयोजनामा वैशाख १९ देखि ३० गतेसम्म मेलाको आयोजना गरिएको सोमबार पत्रकार सम्मेलन मार्फत नागस्वती युथ क्लवका अध्यक्ष अमर गुरुङले जानकारी दिए ।

मेलामा बाल उद्यानसहित खाना तथा खाजाका स्टल रहने र  मेला अवधीभर  स्थानीय तथा राष्ट्रिय कलाकारहरुको प्रस्तति हुने अध्यक्ष गुरुङले बताए । मेलामा व्यापारीक स्टलहरु ५० वटा र होटेलका स्टल १५ वटा रहनेछ । मेलामा २१ गतेबाट  १०० रुपैंया टिकट शूल्क लाग्ने आयोजकले जानकारी दिएको छ ।

स्थानीय कृषि उत्पादनलाई जोड दिई प्रदर्शनीमा राखिने मेला सम्पन्न गर्न ५० लाख सम्म  खर्च हुने  आयोजकको अनुमान रहेको छ। मेला अवधिभरमा १ लाख दर्शकले अवलोकन गर्ने अनुमान राखेको आयोजकले जनाएको छ ।