इनार खन्ने क्रममा निसासिएर २ जनाको मृत्यु

भक्तपुरको चाँगुनारायण नगरपालिका–४ खनालचोक सेतोमाइक्रो पार्क नजिकै इनार खन्ने क्रममा निसासिएर बुधबार दुई जनाको मृत्यु भएको छ ।

मृत्यु हुनेहरुमा रामेछापको उमाकुण्ड गाउँपालिका–४ घर भएका २८ वर्षीय सन्देश सुनुवार र ४६ वर्षीय दीपक सुनुवार रहेको जिल्ला प्रहरी परिसर भक्तपुरले जनाएको छ

प्रहरीका अनुसार, इनार खन्ने क्रममा अन्दाजी ५५ फिट तल पुग्दा अचेत अवस्थामा भेटिएका उनीहरुको मृत्यु भएको हो ।

उक्त घटनाको बारेमा थप अनुसन्धान कार्य भइरहेको र शव परीक्षणका लागि भक्तपुर अस्पतालमा राखिएको जनाइएको छ ।