Search
Close this search box.

हेटौंडामा खैरो हिरोइनसहित दुई जना पक्राउ

मकवानपुर । मकवानपुर प्रहरीले खैरो हिरोइनसहित दुई जनालाई पक्राउ गरेको छ। 

जिल्ला प्रहरी कार्यालय मकवानपुरका अनुसार शनिबार दिउँसो करिब २:१५ बजे हेटौंडा–३ तिनताप्के स्थित पूर्व–पश्चिम राजमार्गमा चेकजाँचका क्रममा उनीहरू पक्राउ परेका हुन्।

प्र.स.नि. सिकिन्द्र साहको कमाण्डमा खटिएको चेकिङ टोलीले बस्तिपुरतर्फबाट लेवर्टतर्फ आउँदै गरेको म.प्र.०३–०३२ प ३०१७ नम्बरको मोटरसाइकल रोकि जाँच गर्दा चालक बाराको निजगढ नगरपालिका–७ बस्ने ३० वर्षीय सुनिल आचार्य र पछाडि सवार निजगढ नगरपालिका–८ बस्ने ३१ वर्षीय किरण कार्कीको साथबाट २५ पुरिया खैरो हिरोइन फेला परेको प्रहरीले जनाएको छ।

बरामद लागुऔषधको तौल १ ग्राम ०४ मिलिग्राम रहेको बताइएको छ।

 मोटरसाइकलसहित दुवै जनालाई नियन्त्रणमा लिएर अनुसन्धान तथा कारबाहीका लागि जिल्ला प्रहरी कार्यालय मकवानपुर पठाइएको प्रहरीले जानकारी दिएको छ।

घटना स्थल बसामाडी लेवर्ट प्रहरी चौकीबाट करिब १ किलोमिटर पश्चिमतर्फ पर्ने बताइएको छ।

केही प्रतिक्रिया छ कि ?
Search

© 2024 Copyright Samriddhi Communication pvt Ltd | All rights reserved.
Desigined By: Keshav samarpan