हेटौंडा। भक्तपुर नगरपालिका स्थायी घर भएकी ४२ वर्षीया कुमारी श्रेष्ठ विभिन्न रोगले करिब एक वर्षदेखि ओच्छ्यानमा परेकी छन् । पतिले अर्की ल्याएपछि घर बनाउने बनाउने काम गरेर ३ सन्तानको हेरचाह गर्दै आएकी थिइन् ।
उनी केही समय विदेशमा समेत दुःख गरिन् र सन्तानलाई शिक्षा दिइन् । आज सक्षम भएका ती सन्तानले उनलाई विभिन्न आरोप लगाइ चरित्रहत्या गरी घरबाट उनकी सानी छोरीसमेत निकालिदिए । उनलाई पाठेघरको समस्या देखिएपछि विभिन्न आरोप लगाइ घरबाट निकालिदिएको उनी सुनाउ“छिन् । १३ वर्षीया छोरी र उनलाई विभिन्न आरोप लगाइ घरबाट निकालिदिएपछि उनी रोगी शरीर लिइ आफ्नो ज्यालामजदुरी गरी ज्यान पाल्दै आएकी थिइन् । एकदिन उनी हिड्दाहिड्दै बेहोस भएर लडिन् र उनलाई छोरीले पाटन अस्पताल पुर्याइन् । उपचारका क्रममा ३ लाख जम्मा गर्नुपर्ने र चिकित्सकले मुटुबाट रगत बहेको भनेपछि आफूसंग पैसा नभएका कारण आमाछोरी नै अस्पतालबाट भागे । अस्पतालबाट भागेकी उनी हाल ओच्छ्यान परेकी छन् ।
घरबाट निकालिएपछि कोठामा बस्दै आएकी उनले कोठाभाडा तिर्न नसक्दा कोठाबाट समेत भागेर हिडेको सुनाउछिन् । उनका दुई छोराले ‘चरित्रहीन’ को आरोपलाई घृणा गरेको र फर्केर नहेर्ने गरेको उनी सुनाउछिन । ॅमर्ने बेला एकचोटि सन्तानको मुख हेर्न पाए हुने’ भन्दै उनी गुनासो गर्छिन् । उनकी १३ वर्षीया छोरी दिनभर विभिन्न ठाउँमा पुगेर उठाएर ल्याएको पैसाले घरखर्च र आमाको उपचार गर्दैै आएकी छन् ।
‘आमाको उपचारका लागि र पढ्न कसैले सहयोग गरे म पढ्ने थिए“,’ भन्दै स्वस्तिका निराश छन् । हेटौंडाका केही व्यवसायीले उनलाई खाद्यान्न र पैसासमेत सहयोग गरेका थिए । उनको हाल मुटुमा समस्या भएका कारण मुखबाट रगत आउने गरेको बताउछिन् । एउटा सानो कोठामा शरण लिएकी उनको कोठामा पुग्दा न राम्रो ओढ्ने छ न त ओच्छ्याउने नै । आमाछोरी पुसको जाडोमा भुइँमा सुत्ने गरेका छन् ।
