हेटौंडा- मकवानपुर उद्योग वाणिज्य संघको आयोजनामा हुने १० औं राष्ट्रिय औद्योगिक व्यापार महोत्सव २०७९ मा हुने हेटाैंडा डान्सिङ स्टारका लागि ३० जना छनाैट गरिएकाे छ ।
आइतबार र साेमबार भएकाे अडिसनबाट ३० जना छनाैट गरिएकाे हाे ।
डान्सिङ स्टार संयोजक नीलम पाण्डेका अनुसार पहिलाे अडिसनमा ९१ जनाले आफ्नो नृत्य प्रस्तुत गरेका थिए । सो मध्येबाट ३० जनालाई छनौट गरिएको हाे । प्रतियोगिताको निर्णायकमा छमछमीको चौथो सिजनकी विजेता सन्ध्या आचार्य र नृत्य निर्देशक सुजन श्रेष्ठ रहेका थिए । माघ११ गते बाट हुने महोत्सव सुरु भई २३ गते सम्म सञ्चालन हुनेछ ।
महाेत्सवकैबीच १२ गतेबाट प्रतियोगिता सुरु हुनेछ । प्रतियाेगितामा उत्कृष्ट ५ जनालाई नगदसहित पुरस्कारकाे व्यवस्था रहेकाे डान्सिङ स्टार कार्यक्रम सदस्य भृगु कार्कीले बताए ।
केही प्रतिक्रिया छ कि ?
