हेटाैंडा- हेटौंडा–९ स्थित, श्रीकृष्ण आदर्श ईङलिस बोर्डिङ स्कुलको आयोजनामा भाेलि शुक्रबारबाट अन्तर विद्यालय जुनियर तेक्वान्दाे प्रतियाेगिता हुने भएकाे छ । विद्यालयले बिहीबार पत्रकार सम्मेलनकाे आयाेजना गर्दै राष्ट्रिय तेक्वान्दो संघको प्राविधिक सहयोगमा सञ्चालन हुने प्रतियोगिताको सम्पूर्ण तयारी पुरा भएको जानकारी दिएकाे हाे ।
दुइदिनसम्म चल्ने प्रतियाेगितामा मकवानपुरभित्रका संस्थापक र सामुदायिक विद्यालयका विभिन्न ताैल समूहका करिब २ सय जना विद्यार्थीकाे सहभागिता रहने विद्यालयका सञ्चालक नवीन केसीले जानकारी दिए ।
विद्यालय तहमा अध्ययनरत बालबालिकालाई अतिरिक्त क्रियाकलापमा अभिरुचि जगाउनुका साथै शारीरिक रुपमा स्वस्थ बनाउने उद्देश्यका साथ मकवानपुरमै पहिलाेपटक विद्यालयस्तरीय प्रतियाेगिता आयाेजना गरिएकाे सञ्चालक केसीले बताए ।
प्रतियोगिता विश्व तेक्वान्दो महासंघ नियम अनुसार खेलाइने राष्ट्रिय तेक्वान्दो संघ मकवानपुरका अध्यक्ष मदन श्रेष्ठले बताए । ब्ल्याक बेल्ट लिएका खेलाडी विद्यार्थीले भने प्रतियाेगितामा भाग लिन पाउने छैनन् । छात्र तथा छात्रातर्फ छुट्टाछुट्टै विभिन्न १५ वटा ताैल समूहमा खेल खेलाइनेछ ।
प्रतियोगितामा एक खेलाडीले तेक्वान्दो र पुम्से कुनै एक वा दुवै विधामा सहभागिता जनाउनेछन् । प्रतियाेगिताकै बीच छात्राहरुलाई यौनजन्य दुब्र्यवहार बिरुद्धको सचेतना तथा आत्मरक्षा तालिम समेत प्रदान गरिने बताइएकाे छ । सामुदायिक सेवा केन्द्र मकवानपुर तथा सामुदायिक प्रहरी सेवा केन्द्र पशुपतिनगरको समन्वयमा तालिम हुनेछ ।
केन्द्रका अध्यक्ष राम बिष्टले पछिल्लो समयमा बालिकामाथि यौनजन्य दूब्र्यवहारहरु बढ्दै गएकोले सम्भाव्य जाेखिममा प्रतिकारका लागि केन्द्रले आत्मरक्षा तालिम प्रदान गर्न लागेको बताए । पत्रकार सम्मेलनमा विद्यालयका प्रधानाध्यापक दुर्गाप्रसाद भट्टराई, प्रतियोगिताका संयोजक रोशिक श्रेष्ठलगायतको उपस्थिति रहेकाे थियाे ।
