पारिजात स्मृति दिवसमा खुल्ला वक्तृत्वकला प्रतियाेगिता हुने

हेटौंडा – आंचल साहित्य कला पुञ्ज मकवानपुरले वैशाख ५ गते खुल्ला वक्तृत्वकला प्रतियोगिता गर्ने भएको छ । पारिजात स्मृति दिवसको अवसरमा “नेपालको सामाजिक रुपान्तरणमा राजनीतिक आन्दोलनको भुमिका” विषयक खुल्ला वक्तृत्वकला प्रतियोगिता कार्यक्रम गर्न लागेको आइतबार पत्रकार सम्मेलन गर्दै आंचलको साहित्य कला पुञ्जकी अध्यक्ष भावना सापकोटाले जानकारी दिइन् ।

सो प्रतियोगितामा प्रथम, द्वितीय, तृतीय र सान्त्वना हुनेलाई क्रमश ; ८हजार ,६हजार ,-४ हजार र २ हजार नगदसहित प्रमाणपत्र प्रदान गरिन आयोजकले जनाएको छ ।

त्यसैगरि वैशाख १५ गते शनिबारका दिन हेटौंडा पार्टी प्यालेसमा हेटौडा उपमहानगरपालिकासँग सहकार्यमा एक दिवसीय बृहत् साहित्यिक तथा सांस्कृतिक कार्यक्रम सञ्चालन गरिने अध्यक्ष सापकोटाले जानकारी दिइन् ।

हेटौंडा उपमहानगरपालिका १० न. वडाको आर्थिक सहयोगमा हुन लागेको कार्यक्रममा विभिन्न विधाका स्रष्टा सम्मान, वहस कार्यक्रम संचालन,विद्यालय स्तरीय एकल गायन प्रतियोगिता लगायत विविध विधाका साहित्यिक प्रस्तुति कार्यक्रम हुने छ।