हेटाैंडा ओैद्याेगिक क्षेत्रकाे कार्टुन फ्याक्ट्रीमा आगलागी

हेटाैंडा – हेटौंडाको एक कार्टुन फ्याक्ट्रीमा आगलागी हुँदा पूर्ण रुपमा क्षति भएको छ।
बिहिबार राति हेटौंडा- ८ स्थित औद्योगिक क्षेत्र भित्र रहेको हेल्पबक्स प्याकेजिंङ प्रा.लि.कार्टुन फ्याक्ट्रीमा आगलागी भएको जिल्ला प्रहरी कार्यालय मकवानपुरले जनाएको छ ।

प्रहरीका अनुसार, मानवीय क्षति नभएको र फ्याक्ट्री पुर्ण रुपमा क्षति भएको छ। तत्काल के कति क्षति भएको भन्ने विवरण खुलेकाे छैन ।

काठमाडौं महानगरपालिका १९ बस्ने संजिब मानन्धरले सो फ्याक्ट्री संचालन गर्दै आएका थिए ।

प्रहरी टोली ८ जना, सशस्त्र नं.१४ गण हेटौडाबाट प्र.नि.अरुण बिक्रम बस्नेतको कमाण्डमा ३० जना,नगर प्रहरी, हेटौडा उपमहानगरपालिकाको दमकल र स्थानीयको सहयोगमा आगो पुर्णरुपमा नियन्त्रणमा लिइएको थियाे ।