बकैयामा मोटरसाइकल दुर्घटना हुँदा दियालीको मृत्यु

मकवानपुर । मकवानपुरको बकैया गाउँपालिका-४ जुरेली बजार स्थित मदन भण्डारी लोकमार्गम मोटरसाइकल दुर्घटना हुँदा एकजनाको मृत्यु भएको छ ।

मृत्यु हुनेमा बकैया गाउँपालिका- ४ बस्ने वर्ष ३३ को रुपक दियाली रहेको जिल्ला प्रहरी कार्यालय मकवानपुरले जनाएको छ।

प्रहरीका अनुसार बुधबार बिहान २ बजेको समयमा
हात्तिसुडेबाट ठुलोदमार तर्फ जादै गरेको बा ४० प ५३०६ नम्बरको मोटरसाइकल घुम्तिमा मोडने क्रममा आफै अनियन्त्रित भई दुर्घटना भएको थियो ।

दियाली टाउकोमा चोट लागी गंभिर घाईते भई तत्काल उपचारको लागी बकैया अस्पताल पठाएकोमा उपचार पश्चात थप उपचारको लागी हेटौडा अस्पताल तर्फ पठाएकोमा ४स्३० बजे हेटौडा अस्पतालमा ल्याई चेकजाँच गर्दा डाक्टरले मृत घोषणा गरेको हो।

शव हेटौंडा अस्पतालमा रहेको र घटनाको सम्बन्धमा अनुसन्धान भइरहेको जानकारी दिइएको छ।