Search
Close this search box.

भिमफेदीमा भिरबाट लडेर पाख्रिनको मृत्यु

मकवानपुर । मकवानपुरको भिमफेदीमा भिरबाट लडेर एक पुरुषको मृत्यु भएको छ । मृत्यु हुनेमा ४९ वर्षका अकिल बहादुर पाख्रिन रहेको जिल्ला प्रहरी कार्यालय मकवानपुरले जनाएको छ ।

प्रहरीकाअनुसार श्रीमती बीपीमाया पाख्रीन र दाजु नाता पर्ने रत्न कुमार पाख्रिनसहित बोकेदह सामुदायिक बनमा दिउसैदेखी लागेको डडेलो बनबाट नजिक रहेको गोठमा आयो कि भनी हेर्न जाँदा भिरबाट लडेर अन्दाजी २०० मिटर तल खसेका थिए ।

रातको समयमा छिमेकीसहितले खोजतलास गर्दा फेला नपरेपछि भािलपल्ट भिरमा भोर्लाको लहरामा अड्किएको अवस्थामा डडेलोको आगोले शरिर जली मृत अवस्थामा उनकाे शव फेला परेकाे छिमेकीले जानकारी दिएका छन् ।

घटनास्थलकाे मुचुल्का तथा प्रारम्भिक कानुनी प्रकृया पूरा गरि शव हेटौंडा अस्पताल पठाएको प्रहरीले जनाएकाे छ । घटनाको थप अनुसन्धान भईरहेको प्रहरीले जनाएको छ ।

केही प्रतिक्रिया छ कि ?
यो समाचार पढेर कस्तो महसुस भयो ?
+1
0
+1
0
+1
0
+1
1
+1
0
Search

© 2024 Copyright Samriddhi Communication pvt Ltd | All rights reserved.
Desigined By: Keshav samarpan