हेटौंडा । ज्यान सम्बन्धी कसुर मुद्धामा ७ जनालाई प्रहरीले नियन्त्रण लिएको छ। हेटौंडा- १६ बस्ने वर्ष ३७ को मिलन दंगालको ज्यान सम्बन्धी कसुर मुद्धामा ७ जनालाई नियन्त्रणमा लिएको जिल्ला प्रहरी कार्यालय मकवानपुरले जनाएको छ।
पक्राउ पर्नेमा बकैया गाउँपालिका-३ बस्ने वर्ष ३६ को प्रशान्त लामा, ललितपुर गोदावारी नगरपालिका- १२ बस्ने वर्ष २४ को किसन दानी, बारा निजगढ नगरपालिका -३ बस्ने वर्ष १९ की इनिसा तिमल्सेना, हेटौंडा – १५ बस्ने वर्ष १९ की सुस्मिता तामाङ, सिन्धुली मरिन नगरपालिका – ७ बस्ने वर्ष २० की शर्मिला मुक्तान/ वर्ष १९ की रोजिना तामाङ र हेटौंडा -१६ बस्ने वर्ष २८ को सुजन पौडेल रहेकोे जिल्ला प्रहरी कार्यालय मकवानपुरले जनाएको छ।
मंगलबार बेलुकाको समयमा मकवानपुरको बागमती गाउँपालिका-८ भुवनचुलि देउडीभञ्ज्याङ स्थित धरान चतरा सडकको नालीमा हेटौंडा- १६ बस्ने वर्ष ३७ को मिलन दंगाल बुधबार बिहान ६:३० बजेको समयमा मृत अवस्थामा फेला परेको थियो।
प्रहरी टोली घटनास्थलमा खटि गई प्रारम्भिक अनुसन्धानको क्रममा निम्न व्यक्तिहरुलाई नियन्त्रणमा लिइएको थियो। मकवानपुर जिल्ला अदालतबाट ज्यान सम्बन्धी कसुर मुद्धामा ७ दिनको म्याद अनुमती लिई थप अनुसन्धान भईरहेको जानकारी दिइएको छ।
