हेटौंडा–नेपाली कांग्रेस बागमती प्रदेश संसदीय दल र दलका नेता ईन्द्रबहादुर बानियाँले पाटर्ठीका मृगौला रोगी नेता रामकृष्ण प्रजालाई आर्थिक सहयोग उपलब्ध गराएको छ । कांग्रेस संसदीय दलबाट ५० हजार र दलका नेता बानियाँले व्यक्तिगत थप ५० हजार रुपैयाँ कुरी कुल १ लाख रुपैयाँ मृगौलारोगी प्रजालाई मंगलबार हस्तान्तरण गरिएको हो ।
राक्सिराङ गाउँपालिका–८ का पूर्व निर्वाचित वडाध्यक्ष एवम् पार्टी मकवानपुरका पूर्वजिल्ला सदस्य प्रजा दुवै मृगौला फेल भएपछि उपचार गराइरहेका छन् । कांग्रेस बागमती प्रदेश सभापति एवं दलका नेता ईन्द्रबहादुर बानियाँलगायतका नेताहरु प्रजाको घरमै पुगेर स्वास्थ्य अवस्थाको बारेमा जानकारी लिँदै सहयोग रकम हस्तान्तरण गरेका हुन् । नेता बानियाँले प्रजाको उपचारको लागि थप आवश्यक सहयोगको प्रतिबद्धतासमेत जनाए ।
कार्यक्रममा बागमती प्रदेशका भौतिक पूर्वाधार विकास राज्यमन्त्री सन्तबहादुर चेपाङ, प्रदेशसभा सदस्य पुकार महर्जन, कांग्रेस मकवानपुर सभापति बुद्ध लामा, मनहरी गाउँपालिका सभापति प्रकाश वर्तौला, जिल्ला समन्वय समिति मकवानपुरका उपप्रमुख सानुकाजी लुइँटेल लगायतको उपस्थिति रहेको थियो ।
