हेटौंडा– जिल्ला समन्वय समिति मकवानपुरको आयोजनामा केही समयअघि भएको दोस्रो अन्तरपालिकास्तरीय फुटबल प्रतियोगितामा प्रथम भएको हेटौंडा उपमहानगरपालिकाको टिमलाई उपमहानगरले नगदसहित सम्मान गरेको छ । क्याम्पा रंगशालामा भएको दोश्रो अन्तरपालिका जिल्ला स्तरीय फुटबल प्रतियोगितामा उपमहानगरलाई प्रथम हुन सफल भएकोमा खेलाडी र अफिसियलसहित २३ जनालाई नगदसहित सम्मान गरिएको हो ।
बिहीबार हेटौंडा उपमहानगरपालिकाकी प्रमुख मीनाकुमारी लामा, उपप्रमुख राजेश बानियाँसहितले प्रति खेलाडी र अफिसियललाई ६ हजार पाँच सय रुपैयाँसहित खादा लगाएर सम्मान गरेका हुन् ।
जिल्ला समन्वय समिति मकवानपुरको आयोजनामा भएको प्रतियोगितामा मकवानपुर गढी गाउँपालिकालाई पराजित गर्दै हेटौंडा उपमहानगरपालिकाले उपाधि जितेको थियो । प्रतियोगितामा पालिकालाई उपाधि सहित २ लाख रुपियाँ नगद प्राप्त भएको थियो ।
पुरस्कार बितरण गर्दै उपमहानगरका प्रमुख लामाले खेल जीवनमा थप प्रगतिको शुभकामना दिइन् । उनले खेलकुदको बिकासका लागि उपमहानगर लागिरहेको भन्दै चालु आर्थिक बर्षमै खेलकुदमा ठूलो लगानी गरेको बताइन् । नगरमा खेलकुदको बवकासका लागि मैदान निर्माण, शारीरिक व्यायमका लागि खुल्ला व्यायम केन्द्र सहितको अवधारणा बनाएर उपमहानगर अघि बढेको उनले जानकारी दिइन् ।
नगर खेलकुद बवकास समितिले उपमहानगरको तर्फबाट संयोजन गरेको प्रतियोगितामा सहभागी खेलाडीलाई थपम पुरस्कारको रुपमा करिब ५ हजार बरारबको खेल जुत्ता दिने बताइएको छ । प्रतियोगितामा सहभागी भएर उपमहानगरपालिकालाई प्रथम बनाएकामा सम्पुर्ण खेलाडी तथा अफिसीएललाई नगर खेलकुद बवकास समितिका अध्यक्ष चन्द्र शाहीले धन्यवाद दिएका थिए ।
सम्मान कार्यक्रममा हेटौंडा–१ का अध्यक्ष तथा उपमहानगरका प्रवक्ता सबिन न्यौपाने, हेटौंडा– ८ का अध्यक्ष रामकृष्ण थापा, ९ का अध्यक्ष सुकराम केसीको उपस्थिती रहेको थियो ।
