सरकारले जारी गर्न लागेको प्रस्तावित विद्यालय शिक्षा ऐनको विरुद्धमा आज देशभरका ७७ वटै शिक्षा विकास तथा समन्वय ईकाईमा धर्ना कार्यक्रम सम्पन्न भएको शिक्षक महासंघ राष्ट्रिय समितिले जनाएको छ । शिक्षा ऐन २०२८ भन्दा पनि निकृष्ठ शैलीमा शिक्षकहरुलाई प्रस्तुत गर्न खोजिएको र आफूहरुसंग भएको संझौता बिपरित ऐन जारी गर्न भन्दै चरणबद्ध आन्दोलन घोषणा गरेको महासंघ केन्द्रिय अध्यक्ष कमला तुलाधरले बताईन ।
आन्दोलनले प्रथम चरणमा देशभरका शिक्षक कर्मचारीलाई २८ गते आ-आफ्नो पालिकामा उपस्थित भई ३ घण्टा अर्थात ११ बजेदेखि २ बजेसम्म धर्ना दिने कार्यक्रममा सहभागी गराएको थियो । यसैक्रममा आन्दोलनलाई दबाउन मकवानपुरको हेटौंडा उपमहानगरमा भने स्थानीय प्रशासनलाई लगाएर शिक्षकमाथि बल प्रयोग गरेको शिक्षक संगठन मकवानपुर अध्यक्ष श्रीराम दाहालले बताए ।
केही प्रतिक्रिया छ कि ?
