हेटौंडा –मकवानपुरको मनहरी गाउँपालिका ३ हाँडीखोलामा जारी दोस्रो वडाध्यक्ष कप फुटबल प्रतियोगिता अन्तर्गत शुक्रबारको खेलमा मनहरी २ नम्बर खेलकुद विकास समिति विजयी भएको छ ।
२ नम्बरले आरआर वाइसीलाई टाइब्रेकरमा ५–३ गोल अन्तरले हराएको हो । निर्धारित समय एक÷एक गोलको बराबरी भएपछि टाइब्रेकरमार्फत नतिजा निकालिएको हो । खेलमा मनहरी २ का विजय दोङ म्यान अफ द म्याच भए ।
जारी प्रतियोगितामा शनिबार पदमपोखरी फुटबल एकेडेमीले आयोजक जनआदर्श समाज युवा क्लवको बी समूहसँग खेल्नेछ । यही असोज ३० गतेसम्म सञ्चालन हुने प्रतियोगितामा १६ वटा क्लवको सहभागिता रहेको छ ।
मनहरी गाउँपालिका ३ नम्बर वडा कार्यालयको सहयोगमा सञ्चालन भएको प्रतियोगिताको विजेताले एकलाख र उपविजेताले ५० हजार रुपैयाँसहित ट्रफी, मेडल र प्रमाणपत्र प्राप्त गर्नेछ ।
केही प्रतिक्रिया छ कि ?
