नेपाल राष्ट्रिय शिक्षक संगठन वागमति प्रदेश समितिको पहिलो ऐतिहासिक जिल्ला अधिवेशन संगठनको जननी जिल्ला मकवानपुरको हेटौंडामा सम्पन्न भयो । अधिवेशनले राजेन्द्र कुमार श्रेष्ठको अध्यक्षतामा ४२ सदस्यीय समिति र ३ जना केन्द्रीय प्रतिनिधिलाई सर्वसम्मत निर्वाचित गरेको हो ।
अधिवेशनले महिला उपाध्यक्षतर्फ सानुमैया खड्का, समावेशीतर्फ ईन्दिरा घिमिरे, खुलातर्फ विष्णुप्रसाद पौडेललाई सर्वसम्मत निर्वाचित गरेको छ । त्यसैगरी महासचिमा पूर्ण बहादुर पुरी, उपमहासचिवमा लक्ष्मी अधिकारी, सचिवमा रुद्र बहादुर खड्का कोषाध्यक्षमा लक्ष्मी चौलागाई र सहकोषाध्यक्षमा रामचन्द्र भट्टराईलाई निर्वाचित गरेको हो ।
नेपाल राष्ट्रिय शिक्षक संगठन राष्ट्रिय समितिका अध्यक्ष विष्णु भण्डारीको प्रमूख आतिथ्यतामा सम्पन्न अधिवेशनमा अधिवक्ता मदन दाहालको संयोजकत्वमा ३ सदस्सीय निर्वाचन समिति र महासचिव हंस बहादुर शाहीको अध्यक्षतामा ५ सदस्सीय अध्यक्ष मण्डल चयन भएको थियो । उद्घाटन सत्रको अध्यक्षता निवर्तमान कमिटीका अध्यक्ष नीरबहादुर कार्कीले गरेका थिए । निर्वाचित कमिटिका पदाधिकारी सहितका सदस्यहरुलाई प्रमूख अतिथि भण्डारीले २३ गते नै सपथ ग्रहण गराएका हुन् । नवनिर्वाचित कमिटिको पहिलो बैठक ललितपुर जिल्लामा पौषा १४ गते बस्ने नवनिर्वाचित अध्यक्ष श्रेष्ठले बाताए ।
वागमति प्रदेशको प्रथम ऐतिहासिक अधिवेशन मकवानपुर जिल्लाले भव्य र सभ्य ढङ्गले सर्वसम्मत सम्पन्न गर्न सकेकोमा प्रमूख अतिथि भण्डारीले आयोजक जिल्ला अध्यक्ष श्रीराम दाहाल सहित मकवानपुर जिल्ला समिति सहित प्रदेश अन्तर्गत रहेका १३ वटै जिल्ला अध्यक्ष र प्रतिनिधिहरुप्रति हार्दिक आभार व्यक्त गरेका छन् ।
