वडाध्यक्ष सिग्देलले लिए भुटनदेवी माविको नेतृत्व

हेटौंडा–हेटौंडा–४ मा रहेको भुटनदेवी माध्यमिक विद्यालय (प्राविधिक शिक्षालय)को व्यवस्थापन समितिको अध्यक्षको जिम्मेवारी ४ नम्बर वडाध्यक्ष नविन सिग्देलले लिएका छन् । गत पुस २९ गते अभिभावक भेला भएता पनि धेरै जना आकांक्षी भएपछि विद्यालय व्यवस्थापन समिति चयन हुन सकेको थिएन ।

त्यसबेला २ जना खुलातर्फको सदस्यको लागि १४ जना र २ जना महिलातर्फका सदस्यको लागि २० जनाको उम्मेदवारी परेपछि अभिभावकबाट विद्यालय व्यवस्थापन समिति सदस्य चयनमा हुन सकेको थिएन । आवश्यक छलफलपछि सर्वसम्मत रुपमा विद्यालय व्यवस्थापन समितिले नयाँ समिति चयन गरेको हो । विद्यालय व्यवस्थापन समितिको सदस्यहरुमा गोमा सुनुवार, रिमा श्रेष्ठ, कृष्ण प्रसाद कँडेल, नारायण प्रसाद तिमल्सिना, राजेन्द्र बस्ताकोटी र राधिका चौंलागाई रहेका छन् ।

मंगलबार पत्रकार सम्मेलनमा बोल्दै अध्यक्ष सिग्देलले विद्यालयको समग्र विकासमा आफूले कुनै सम्झौता नगर्ने बताए । आगामी दिनमा शिक्षाको गुणस्तर वृद्धि गर्न उदाहरणीय काम गरेर देखाउने उनले प्रतिवद्धता जनाए । साथै विद्यालयका पूर्वप्रधानाध्यापक डेण्टी जंग शाहको स्मृतिमा विद्यालयमा डेण्टी स्मृति कोषको स्थापना गरिनेसमेत अध्यक्ष सिग्देलले घोषणा गरे । सुरुवातमा १० लाख रुपैयाँ रकम कोषमा जम्मा गरिने र पछि रकम विस्तार गरीदै लगिने उनले बताए । कोषबाट विद्यालयका गरीब जेहेनदार विद्यार्थीलाई छात्रवृत्ति प्रदान गरिने अध्यक्ष सिग्देलको योजना छ ।

केही प्रतिक्रिया छ कि ?
यो समाचार पढेर कस्तो महसुस भयो ?
+1
0
+1
0
+1
0
+1
0
+1
0

सम्बन्धित समाचार

अध्यादेश जारी गर्न राष्ट्रपतिसमक्ष सिफारिस गर्ने निर्णय

अध्यादेश जारी गर्न राष्ट्रपतिसमक्ष सिफारिस गर्ने निर्णय

सरकारले लगानी सहजीकरण सम्बन्धी केही नेपाल ऐनलाई संशोधन गर्न बनेको अध्यादेश जारी गर्न राष्ट्रपतिसमक्ष सिफारिस गर्ने निर्णय गरेको छ । सोमबार सिंहदरबारमा बसेको प्रधानमन्त्री तथा मन्त्रिपरिषद्को बैठकल...