कार्यसम्पादन मूल्यांकनका आधारमा प्रधानाध्यापकलाई प्रोत्साहन भत्ता दिँदै मनहरी

मनहरी–मकवानपुरको मनहरी गाउँपालिकाले कार्यसम्पादन मूल्यांकनको आधारमा विद्यालयका प्रधानाध्यापकलाई वार्षिक प्रोत्साहन भत्ता दिने भएको छ । गाउँपालिकाले शैक्षिक क्षेत्र सुधारका लागि प्रधानाध्यापकलाई प्रोत्साहन कार्यक्रम ल्याएको हो ।

बिहीबार गाउँपालिकाले एक कार्यक्रमको आयोजना गरी प्राथमिक विद्यालयका प्रधानाध्यापकहरुसँग कार्यसम्पादन सम्झौता गरेको छ । कार्यसम्पादन मुल्याङ्कनमा ४० देखि ६० प्रतिशत अंक ल्याउनेलाई २० हजार, ६० देखि ८० प्रतिशतलाइ २२ हजार र ८० देखि १०० प्रतिशत कार्यसम्पादन अंक प्राप्त गर्नेलाई २४ हजार रुपैयाँ प्रोत्साहन रकम उपलब्ध गराइने शिक्षा शाखा प्रमुख प्रदिप पराजुलीले बताए । ४० प्रतिशतभन्दा कम अंक ल्याउने विद्यालयका प्रधानाध्यापकले कुनै पनि रकम नपाउने बताइएको छ । गाउँपालिकामा १८ वटा प्राथमिक विद्यालयहरु छन् । विद्यालयले विभिन्न १५ वटा बुँदाहरुमा स्वमुल्याङ्कन गरी पठाएको विवरणको आधारमा प्रोत्साहन रकम वितरण गर्न लागिएको गाउँपालिका अध्यक्ष रन्जन कालाखेतीले बताए ।

प्रध्यानाध्यापकले बार्षिक शैक्षिक कार्ययोजना तथा कार्यतालिका निर्माण गर्नुपर्नेछ । साथै विद्यालय सुधार योजना निर्माण गर्नुपर्ने, प्रत्येक आर्थिक वर्षको लेखापरिक्षण र सामाजिक परिक्षण गर्नुपर्ने, सबै शिक्षकसँग शिक्षण सुधार करार गर्नुपर्ने, विद्यार्थी शिक्षक विवरण इएमआइएसमा भर्नुपर्ने, विद्यालयको समग्र नतिजा विश्लेषण गर्नुपर्ने लगायतका कार्यका आधारमा कार्यसम्पादन अंक प्राप्त हुनेछ । साथै प्रअको उपस्थिति, शिक्षक विद्यार्थीको आचारसंहिता तयार र विद्यार्थीको आन्तरिक मुल्यांकनका आधारमा पनि कार्यसम्पादन अंक प्राप्त गर्ने सामाजिक विकास समितिका संयोजक अनन्त प्रकाश अर्यालले जानकारी दिए ।

गाउँपालिका अध्यक्ष कालाखेती र प्रमुख प्रशासकीय अधिकृत रमेश सुवेदीको रोहबरमा शिक्षा शाखा प्रमुख पराजुली र सम्बन्धित विद्यालयका प्रधानाध्यापकबिच कार्यसम्पादन सम्झौता गरिएको हो ।

केही प्रतिक्रिया छ कि ?
यो समाचार पढेर कस्तो महसुस भयो ?
+1
0
+1
0
+1
0
+1
0
+1
0

सम्बन्धित समाचार

अध्यादेश जारी गर्न राष्ट्रपतिसमक्ष सिफारिस गर्ने निर्णय

अध्यादेश जारी गर्न राष्ट्रपतिसमक्ष सिफारिस गर्ने निर्णय

सरकारले लगानी सहजीकरण सम्बन्धी केही नेपाल ऐनलाई संशोधन गर्न बनेको अध्यादेश जारी गर्न राष्ट्रपतिसमक्ष सिफारिस गर्ने निर्णय गरेको छ । सोमबार सिंहदरबारमा बसेको प्रधानमन्त्री तथा मन्त्रिपरिषद्को बैठकल...