हेटौंडा– आगलागी भई घर पूर्ण रुपमा क्षति भएका हेटौंडा ६ रामनगरका आत्मलाल चौलागाईलाई हेटौंडा उपमहानगरपालिकाले खाद्यान्न सहयोग गरेको छ । मंगलबार विद्युत्को तार सट भई चौलागाईको घर पूर्ण रुपमा क्षति भएको थियो । बुधबार हेटौंडा उपमहानगपालिकाका उपप्रमुख राजेश बानियाँ खाद्यान्न सामग्री सहित आगलागी पीडित चौलागाईको घरमा पुगेका थिए । आगोले पूर्ण रुपमा क्षति भएको घरको निरीक्षण गर्दै उपप्रमुख बानियाँले क्षति भएको घरको पुनर्निमाणमा उपमहानगरपालिकाले सहयोग गर्ने प्रतिबद्धता व्यक्त गरे । उपप्रमुख बानियाँले चामल, दाल, नुन, तेल, चिउरा, चिनी, साबुन सहयोग गरेका हुन् । राहत हस्तान्तरण गर्न हेटौंडा–६ का वडा अध्यक्ष विष्णुबहादुर दाहाल, वडा सदस्य विजय पौडेल पीडित चौलागाईको घरमा पुगेका थिए ।
हेटौंडा–२ मकवानपुर, सम्पर्कः ९८५५०७१२२४, ९८१६२६०१५० इमेल : pradeshsanchar3@gmail.com, news@pradeshsanchar.com
© 2024 Copyright Samriddhi Communication pvt Ltd | All rights reserved. Desigined By: Keshav samarpan
© 2024 Copyright Samriddhi Communication pvt Ltd | All rights reserved.
Desigined By: Keshav samarpan