सिद्धार्थमा क्याप्टेन छनाैटका लागि निर्वाचन

हेटौँडा- हेटौँडा–२ मा रहेको सिद्धार्थ माविमा विद्यालय क्याप्टेन, सह-क्याप्टेन, सदन क्याप्टेन र सह-क्याप्टेनको नेतृत्व चयनकालागि निर्वाचन भएको छ ।

विद्यार्थी सिकाइ, मतदाता शिक्षा र प्रयोगात्मक परीक्षाका लागि शुक्रबार विद्यालय क्याप्टेन, सह-क्याप्टेन, सदन क्याप्टेन र सह-क्याप्टेनको निर्वाचन गरिएको हो ।

शुक्रबार सम्पन्न निर्वाचनमा विद्यालय क्याप्टेनमा ३६५ मतसहित युवराज पण्डित निर्वाचित भएका छन् ३५८ मतसहित सुमान राय विद्यालय सह-क्याप्टेनमा निर्वाचित भएका छन् ।
त्यसैगरी सम्पन्न निर्वाचन मार्फतमा ६ वटा सदनमा क्याप्टेन र सह-क्याप्टेन गरी १२ जना निर्वाचित भएका छन्।

सदनगत क्याप्टेनमा निलो सदनमा ८९ मतसहित कृष्ण यादव सह – क्याप्टेनमा ७१ मत सहित सुबोध साह निर्वाचित भएका छन्।
हरियो सदनमा ९० मतसहित उन्नती अर्याल सह – क्याप्टेनमा ६७ मत सहित सन्ध्या सापकोटा निर्वाचित भएका छन्।

यता सुन्तला सदनमा ५६ मतसहित निखिल सिंह सदन क्याप्टेन र ६० मत सहित दिपा न्यौपाने सह-क्याप्टेनमा विजयी भएका छन्। पहेँलो सदनमा ६३ मतसहित सदन क्याप्टेनमा निर्मला सिर्मल र सह-क्याप्टेनमा ७७ मत सहित सफलता लामा विजयी भएकी छिन्।

त्यसैगरी प्याजी सदनमा ८७ मत सहित क्याप्टेनमा कन्हैया कुमार यादव र ८५ मत सहित सह – क्याप्टेनमा स्त्रोत लामिछाने निर्वाचित भएका छन्। यता रातो सदनको क्याप्टेनको नेतृत्व उज्वल पटेललो गरेको छन्। पटेललो ७८ मत प्राप्त गरेको थिए। त्यसैगरी रातो सदनको सह-क्याप्टेनमा अनुज पौडेल विजयी भएका छन्। पौडेलले सर्वाधिक ९५ मत प्राप्त गरेका थिए। आम निर्वाचनकै झल्को दिने गरी प्रदेश निर्वाचन आयोग बागमती प्रदेश हेटौंडाले मतपेटिका, छेकाबार, लगायतको सामग्री सहयोग गरेको विद्यालयका अतिरिक्त क्रियाकलाप संयोजक तथा सहायक मतदान अधिकृत टिका प्रसाद दाहालले बताएका छन्।

कक्षा ६ देखि १० कक्षासम्मका विद्यार्थीलाई मताधिकार र ६ देखि कक्षा १० सम्मका विद्यार्थी मात्रै उम्मेदवार बन्न पाउने व्यवस्था गरिएको थियो । कक्षा ६ देखि कक्षा १० सम्मका अङ्ग्रेजी र नेपाली माध्यममा अध्ययनरत ६ सय ७० जना विद्यार्थीले मतदान गरेको विद्यालयका सहायक प्रधानाध्यापक सागर प्रसाद खतिवडाले बताएका छन्। विद्यालयका प्रधानाध्यापक परमानन्द सरोज कर्ण मुख्य निर्वाचन अधिकृत रहेको निर्वाचनमा सदनगत मतदान गरिएको थियो । मतदाता प्रकृयाका लागि विद्यालयले अघिल्लो साता कार्य तालिका सार्वजनिक गरिएको सहायक प्रअ तथा सहायक मतदान अधिकृत खेमराज लामिछानेले जानकारी दिएका छन्।
सदन संयाेजक तथा सदस्यलाई मतदान अधिकृत र सहायक मतदान अधिकृतको जिम्मेवारी दिइएको थियो भने स्काउटका सदस्यलाई म्यादी प्रहरीको जिम्मेवारी दिइएको थियो।
विजयी उम्मेदवारको प्रमाणपत्र वितरण र सपथ ग्रहण आइतबार गरिने सहायक मतदान अधिकृत टिका प्रसाद दाहालले जानकारी दिएका छन्।
यता विद्यालय व्यवस्थापन समितिका अध्यक्ष बलराम घिमिरेले विद्यालय आयोजना गरिएको कार्यक्रमले मतदान प्रक्रियाको बारेमा जानकारी दिएको र विद्यार्थी नेतृत्व विद्यार्थी स्वयम्ले गर्नु लोकतान्त्रिक अभ्यास भएको बताएका छन्। निर्वाचनको शिक्षा समन्वय इकाई मकवानपुरका प्रमुख दिनानाथ गौतमले अनुगमन गरेका थिए।

केही प्रतिक्रिया छ कि ?
यो समाचार पढेर कस्तो महसुस भयो ?
+1
0
+1
0
+1
0
+1
0
+1
0

सम्बन्धित समाचार

समाज रुपान्तरणमा सूचना प्रविधिको भूमिका महत्त्वपूर्ण : कुमारी मोक्तान

समाज रुपान्तरणमा सूचना प्रविधिको भूमिका महत्त्वपूर्ण : कुमारी मोक्तान

मकवानपुर - नेकपा माओवादी केन्द्रकी केन्द्रिय सदस्य एवम् बागमती प्रदेश सरकार सामाजिक विकास मन्त्री कुमारी मोक्तानले समाज रुपान्तरणका लागि सूचना प्रविधिको भूमिका महत्त्वपूर्ण हुने बताइन् । शनिवार हे...