हेटाैंडा- आँचल साहित्य कला पुञ्ज, मकवानपुरले चाडपर्वकाे अवसरमा शभकामना आदानप्रदानका साथ रचना वाचन कार्यक्रम सम्पन्न गरेकाे छ ।
शनिबार भएकाे मासिक भेटघाट कार्यक्रममा नेपाली समाजमा प्रमुख रुपमा मनाइने दशैँ, तिहार, छठ चाडपर्वको शुभकामना आदानप्रदान कार्यक्रमसँगै रचनावाचन गरिएकाे थियाे । आँचलकी संस्थापक अध्यक्ष मुना अर्यालको मानेडाँडा स्थित निवासमा सो कार्यक्रम सम्पन्न भएको हाे ।
कार्यक्रममा आँचलकी सल्लाहकार पूर्णकला घिमिरे, कविहरू सुवास खनाल, शान्ति प्रियवन्दना, सानु खनाल, भवानी तिमल्सिना, सविता तिमल्सिना, शारदा ओली, रजनी पौडेल, अनु रोक्का, स्वस्तिका दाहाल , एलिजा पुडासैनी, आँचलकी आजीवन सदस्यहरू शुभद्रा हुमागाईँ, अचला शर्मा, रञ्जना घिमिरे, देवकी चौलागाईँको उपस्थिति रहेको थियो । कार्यक्रम संस्थाकी अध्यक्ष भावना सापकोटाको सभाध्यक्षतामा भएको थियो ।
केही प्रतिक्रिया छ कि ?
