जनप्रिय माध्यमिक विद्यालयले सहिद दिवस सप्ताहको अवशर पारेर आज अन्तर विद्यालय स्तरीय वक्तृत्वकला कार्यक्रम सम्पन्न गरेको छ । विद्यालयले शिक्षा विकास महाशाखा हेटौंडा उपमहानगरको पूर्व सूचना बमोजिम सहिद दिवसको महत्व विषयक वक्तृत्वकला कार्यक्रम आयोजना गरेको हो ।
विद्यालयका प्रधानाध्यापक भुपेन्द्र चौलागाई को अध्यक्षतामा सम्पन्न वक्तृत्वकलामा निवर्तमान प्रधानाध्यापक नमराज अर्यालले कार्यक्रम संयोजन गरेका थिए । कार्यक्रममा अंग्रेजी तथा नेपाली माध्यमका कक्षा ८ देखि १० का विद्यार्थीले सहभागिता जनाएका थिए ।
वक्तृत्वकलामा प्रथम द्धितीय र तृतीय क्रमश: अंग्रेजी माध्यम कक्षा ९ मा अध्ययनरत सम्वृद्धि गौतम, नेपाली माध्यम कक्षा ९ मा अध्ययनरत सानीया राई, अंग्रेजी माध्यम कक्षा ९ बाट कौस्तुभ सुवेदी र नेपाली माध्यम कक्षा ८ बाट प्रतीक्षा लामा भएका छन् । त्यसैगरी अनिष प्रजा, अञ्जली यादव, आयूष तामाङ्ग र समीक्षा थापा सान्त्वना हुन सफल भएका छन् ।
शिक्षकहरु अनिता तिमल्सिना र सुनिल गौतमले निर्णायकको भूमिका निर्वाह गरेको कार्यक्रममा जनप्रिय अतिरिक्त क्रियाकलाप तथा सास्कृतिक विभाग प्रमुख युक्तलाल विश्वकर्मा,गोपाल घिमिरे, घनश्याम ढकाल, सकल रिजाल लगायतको उपस्थिति रहेको थियो । विद्यार्थीहरु आकृषा गौतमले सञ्चालन गरेको कार्यक्रममा सलिना बलामीले समय सूचकको भूमिका निर्वाह गरेका थिए ।
