हेटाैंडा- पूर्वपश्चिम राजमार्गअन्तरगत मकवानपुरकाे मनहरी गाउँपालिका ६ स्थित लाेथरमा गएराति बस र म्याजिक एकआपसमा ठाेक्किँदा म्याजिक चालककाे मृत्यु भएकाे छ । राति करिब ३ बजेकाे समयमा भएकाे घटनामा राक्सिराङ गाउँपालिका ४ का ३२ वर्षीय सन्देश काेइरालाकाे निधन भएकाे हाे ।
चितवनबाट हेटौडा तर्फ आउँदै गरेको बा.प्र.०३-००६ ख ५६८१न.को बस र मनहरीबाट चितवनतर्फ जाँदै गरेको बा.प्र.०३-००१ च ३०१२ नं.को म्याजिक गाडी एक आपसमा ठक्कर खाई दुर्घटना भएकाे थियाे । म्याजिकमा चालकबाहेक अन्य कुनै यात्रु नरहेकाे प्रहरीले जनाएकाे छ । दूर्घटनामा म्याजिक चालक कोइरालाको खुट्टा,टाउको र शरिरहरुमा चोट लागी गम्भीर घाईते भई उपचारको लागी चितवन नयाँ मेडिकल कलेज भरतपुर पठाईएकोमा डाक्टरले मृत घाेषणा गरेका थिए ।
मृतककाे शव साेही अस्पतालमा रहेकाे र बस चालक नियन्त्रणमा रहेकाे जिल्ला प्रहरी कार्यालय मकवानपुरले जनाएकाे छ ।
