हेटौँडा । प्रतिनिधिसभा सदस्य निर्वाचनअन्तर्गत मकवानपुर क्षेत्र नम्बर–२ मा जारी मतगणनामा राष्ट्रिय स्वतन्त्र पार्टी (रास्वपा)का उमेदवार प्रशान्त उप्रेती अग्रस्थानमा रहेका छन्।
हालसम्म मनहरी गाउँपालिका–९ र ८ का गरी तीन हजार ५१० मत गणना हुँदा उप्रेतीले एक हजार ६३० मत प्राप्त गरेका छन्।
उनलाई पछ्याउँदै नेपाली कांग्रेसका उमेदवार बुद्ध लामा ६१४ मतसहित दोस्रो स्थानमा छन्। नेकपा (एमाले)का उमेदवार महेश बर्तौला ५०९ मतसहित तेस्रो स्थानमा रहेका छन् भने नेपाली कम्युनिस्ट पार्टी (नेकपा)का उमेदवार लबशेर बिष्टले २१२ मत पाएका छन्।
निर्वाचन अधिकृतको कार्यालयका अनुसार यस क्षेत्रमा कुल ९१ हजार २४१ मत खसेको थियो। अहिले प्रारम्भिक चरणको मतगणना भइरहेको र बाँकी मतगणना जारी रहेको जनाइएको छ।
केही प्रतिक्रिया छ कि ?
