मकवानपुर – मकवानपुरमा थप ६ जनालाई डेंगू संक्रमण पुष्टि भएको छ । जिल्लामा पछिल्लो २४ घण्टामा थप ६ जनामा डेंगू संक्रमण पुष्टि भएको जिल्ला स्वास्थ्य कार्यालय मकवानपुरले जनाएको छ ।
जिल्ला स्वास्थ्य कार्यालयका अनुसार, सो अवधिमा जिल्लाको हेटौंडामा उपमहानगरपालिकाका ४ जना, मकवानपुरगढी र बकैया गाउँपालिकाका १/१ जनामा डेंगू संक्रमण पुष्टि भएको हो ।
बिहीबार थपिएसँगै जिल्लामा हालसम्म डेंगू संक्रमणको कूल संख्या ५ हजार ८८० जना पुगेको छ । जसमा ३ हजार २१३ जना पुरुष र २ हजार ६६७ जना महिला रहेका छन् ।
केही प्रतिक्रिया छ कि ?
