इजरायली हवाई आक्रमणबाट गाजामा एकै परिवारका १५ जनाको मृत्यु

गाजामा इजरायली हवाई आक्रमणका कारण एकै परिवारका १५ सदस्यको मृत्यु भएको छ।

शनिबार बिहान इजरायली हवाई आक्रमणमा नौ बालबालिका र तीन महिलासहित प्यालेस्टिनी परिवारका १५ सदस्यको मृत्यु भएको गाजाको नागरिक सुरक्षा विभागले जनाएको छ।

मध्य गाजाको अल–जावैदामा रहेको अज्लाह परिवारको घरमा आक्रमण भएको हो।

इजरायल र हमासबीच १० महिनाभन्दा बढी चलिरहेको युद्धले गाजाको विशाल भूभागलाई भग्नावशेष बनाएको छ।