हेटौंडा– नेपाल रेडक्रस सोसाइटी चुरियामाई उपशाखालाई हेटौंडा औद्योगिक क्षेत्र गोर्खा लहरी मजदुर परिवारले ३१ जोर नयाँ सर्ट–पाइन्ट सहयोग गरेको छ ।
रेडक्रस चुरियामाई उपशाखाले सञ्चालन गरिरहेको सहयोग संकलन अभियानलाई सहयोग पुर्याउने उद्देश्यले मजदुर परिवारले नयाँ कपडा उपलब्ध गराएको हो । कपडा संकलनमा लक्ष्मण सापकोटा र केशव अधिकारीले मुख्य भूमिका निर्वाह गरेका थिए । शिव अधिकारी, द्रोण अधिकारी र सुवास ढुंगानाले समेत सहयोग गरेका थिए ।
संकलित रकम तथा नयाँ ३१ जोर सर्ट–पाइन्ट आइतबार नेपाल रेडक्रस सोसाइटी मकवानपुर जिल्ला शाखालाई हस्तान्तरण गरिने उपशाखाले जनाएको छ ।
कपडा हस्तान्तरण कार्यक्रममा नेपाल रेडक्रस सोसाइटीका सहसचिव सिद्धान्त सापकोटा र उपसभापति तुलसा गौतमलगायतको उपस्थिति थियो ।
केही प्रतिक्रिया छ कि ?
