Search
Close this search box.

जेसीआई हेटौंडाद्वारा साइबर सुरक्षा अभिमुखीकरण

हेटौँडा । बढ्दो डिजिटल प्रविधिको प्रयोगसँगै किशोरकिशोरीमाथि निम्तिन सक्ने अनलाइन जोखिम न्यूनीकरण गर्ने उद्देश्यले जेसीआई हेटौँडाले ९० जना विद्यार्थीलाई साइबर सुरक्षासम्बन्धी अभिमुखीकरण प्रदान गरेको छ।
जेसीज सप्ताह २०२६ अन्तर्गत तेस्रो कार्यक्रमका रूपमा बिहीबार हेटौँडा–११, नवलपुरस्थित त्रिभुवन माध्यमिक विद्यालयमा अध्ययनरत कक्षा ९ र १० का विद्यार्थीलाई सुरक्षित इन्टरनेट प्रयोग, साइबर जोखिम तथा त्यसबाट बच्ने उपायबारे जानकारी दिइएको हो।
जेसीआई हेटौँडा वर्ष २०२६ का शाखा अध्यक्ष सन्तोष पराजुलीको सभाध्यक्षता तथा हेटौँडा उपमहानगरपालिका–११ की वडा अध्यक्ष एवं विद्यालय व्यवस्थापन समिति अध्यक्ष जुना दाहालको प्रमुख आतिथ्यतामा कार्यक्रम सम्पन्न भएको हो।
कार्यक्रम संयोजक विवेक फुयालको संयोजनमा आयोजित अभिमुखीकरणमा जिल्ला प्रहरी कार्यालय मकवानपुरका श्याम श्रेष्ठ, आईटी इन्जिनियर तथा क्यान महासंघ मकवानपुरका अध्यक्ष श्रीराज खतिवडा र क्यान महासंघ मकवानपुरका पूर्वअध्यक्ष एवं जेसीआई हेटौँडा वर्ष २०२६ का अध्यक्ष सल्लाहकार शिवकुमार श्रेष्ठले सहजीकरण गरेका थिए।
कार्यक्रममा जेसीआई हेटौँडा वर्ष २०२५ का शाखा अध्यक्ष पंकजदास बानियाँ र विद्यालयका प्रधानाध्यापक रामकुमार बर्तौला दाहालको विशेष आतिथ्यता रहेको थियो।
जेसीज सप्ताह २०२६ का मूल संयोजक सञ्जयकुमार न्यौपाने र सह–मूल संयोजक विनोद वाग्ले रहेका छन्।

केही प्रतिक्रिया छ कि ?
Search

© 2024 Copyright Samriddhi Communication pvt Ltd | All rights reserved.
Desigined By: Keshav samarpan